Xav Xov Ntawm Tsev Kawm Ntawv tuaj ntawm cov tsev kawm ntawm Kaukauna Area School District tuaj.
Nyob zoo txog ib tsoom ntawm tsev kawm KASD,
Ua ntej tshaj plaws, peb cia siab hais tias koj thaij koj tsev neeg puav leej noj qab nyob zoo rau lub sij hawm nyuaj nyuaj no. Hnub no thaum yav tav su, plaub hlis tim 16, 2020, tus Tswv Xeev Evers cov lus cob rau Wisconsin Cov Tswj Saib Xyuas Kev Noj Qab Nyob Zoo (Wisconsin Department of Health Services) hais tias kom muab txoj cai tswj kom Nyob Tsev ncua mus kom txog rau lub tsib hlis tim 26; Tu siab heev uas nws txhais tau hais tias peb cov tsev kawm ntawv yuav tsis qhib ntxiv rau lub xyoo kawm ntawv 2019-2020 no lawm.
Vim cov lus txiav txim no, nws yuav muaj ntau cov lus nug thiab kev txhawj xeeb rau cov menyuam kawm ntawv, tsev neeg thiab cov kws ua hauj lwm hauv tsev kawm ntawv. Tej cov lus uas peb yuav teb tau sai ce yog txog: yuav ua cas thiaj mus tau hauv tsev kawm ntawv mus nqa yus tej khoom; yuav muab qib li cas rau cov tub kawm,cov kha phiv tawm (chromebooks); kev lav ntawv; thiab kev kawm ntawv rau lub caij ntuj sov. Yog koj ho tshuav lus nug los yog kev txhawj xeeb dabtsi ntxiv thiab, thov koj sau tuaj es siv peb daim ntawv Google form ntawm no; Peb yuav teb nej tej lus nug thiab yuav teb cov lus nug uas feem coob muaj nyob rau hauv ib daim ntawv uas yuav npaj tso tau rau peb lub vaj sab(website) rau hnub Thursday plaub hlis tim 23.
Cov no yog cos lus teb uas peb muaj tamsis no:
- Raws li peb daim ntawv teev ntawm Koog Tsev Kawm Ntawv, hnub uas kawg rau kev kawm yeej teem tseg rau lub Rau Hli Tim 4, 2020. Peb yuav tauj ntxiv txoj kev kawm tom vaj tom tsev kom txog rau hnub ntawv rau txhua tus tub kawm 4K-12.
- Cov tub kawm nyob rau qib 5-12 yuav tau kawm thiab ua lawv tej ntaub ntawv txuas ntxiv rau saub huab cua( online), thiab yuav kom cov tsev neeg uas muaj cov tub kawm nyob qib 4k-4 kawm thiab ua tej yam txuas ntxiv nyob rau hauv peb qhov Flexible Learning page.
- Tag nrho peb cov tsev kawm ntawv yuav tsis qhib. Peb lub hoob kas Koog Tsev Kawm Ntawm no cov neeg ua haujlwm yuav seej hauv xov tooj los yog hauv email hnub Monday txog rau hnub Friday thaum 7:30 sawv ntxov rau 3:00 yav tav su. Yog koj xav nrog ib tug tham, thov hu xov tooj tuaj rau (920) 759-6109 los yog tiv tauj tau peb daim ntawv lus vajsab contact form los yog xa ntawv email rau contactkasd@kaukaunasd.org.
- Peb tseem yuav muaj qhov pub su tauj ntxiv rau txhua tus menyuam 18 xyoo rov hauv rau nram River View Middle School thaum 9 teev sawv ntxov txog rau 10 teev sawv ntxov Monday txog Friday.
- Txhua yam kev ua si thiab cov txheej xwm yuav muab ncua tseg tib si kom tag rau xyoo kawm no.
Lub sij hawm no yog ib lub sij hawm uas phem thiab txau txhawj heev rau peb txhua leej txhua tus. Peb tu siab heev uas peb yuav tsis tau pom peb cov neeg ua hauj lwm thiab cov tub kawm tej ntsej muag luag txhi sov siab rau peb cov tsev kawm ntawv, tab sis peb yeej yuav tseem muaj kev cia siab rau xyoo no kom kawg thiab kev ruaj khov li qub uas thaum nyuam qhuav pib kaw lub peb hlis tim 13. Txhua tsav txhua yam uas sawv daws tsis hais nais khu, cov tub kawm ntawv los sis txhua tsev neeg tau kub siab ua tau zoo heev li. Txawm tias peb txoj kev kawm ntawv tau hloov tsis raws li peb lub siab xav lawm los peb hwm thiab zoo siab heev rau nej uas nej sib zog ua haulwm.
Thov kom nej paub hais tias kev noj qab nyob zoo ntawm cov tub kawm thiab peb tej pej xeem yog peb lub hom phiaj loj tshaj; txhua yam ntawm peb kev txiav txim yuav xyuas zoo raws li ntawv. Yav tom ntej no yog tias muaj dabtsi hloov los yog peb muaj dabtsi no peb mam li xa ntaub xa ntawv tuaj rau txhua leej txhua tus.
Peb yuav rau siab ua kom zoo li zoo tau los txhawb rau yam toob kas ntawm cov tub kawm. Zoo li txhua zaus, peb yeej zoo siab rau nej txoj kev koom tes, kev siab ntev thiab kev nkag siab rau ob peb lub asthiv yuav los tom ntej no. Peb sawv daws yuav sib pab sib txhawb kom peb sawv daws peem kom dhau lub sijhawm no tsis hais pem vaj pem tsev los yog pem haujlwm.
Thov Noj Qab Nyob Zoo,
Mark Duerwaechter
Superintendent
|